Sergino Dest duket se do të vazhdojë të jetë pjesë e Barcelonës edhe për një kohë të gjatë.
Mbrojtësi amerikan është lidhur me një kalim në Gjermani te Bayern Munich, por edhe Chelsea ka shprehur interesim për të.
Megjithatë e ardhmja e mbrojtësit të talentuar duket se do të jetë në Camp Nou te Barcelona.
Kështu sëpaku ka thënë agjenti i lojtarit Michael Reschke në një intervistë për Sport Bild.
“Dest nuk e ka ndërmend të ndryshojë klubin. Jam shumë skeptik për një transferim të mundshëm te Bayerni këtë verë”.
“Ai është shumë i lumtur te Barcelona dhe e ardhmja e tij është në Camp Nou”, ka deklaruar Reschke.
21-vjeçari është bashkuar me katalunasit në verën e vitit 2020 nga Ajaxi për 20 milionë euro, derisa këtë edicion ka zhvilluar 16 ndeshje ku ka bërë tri asistime. /Telegrafi/