Përgjegjësia personale nuk duhet të ndërlidhet me përgjegjësinë e të gjithë institucionit. Rasti “Haraçi” vetëm përshpejtoi realizimin e idesë për të integruar PSP dhe Prokurorin Publike, tha ministrja e Drejtësisë, Renata Deskoska, përcjell Telegrafi Maqedoni.
Në intervistë për “Telma”, ajo theksoi se kjo ide është vënë në tryezë nga Ministria në negociata me opozitën për ligjin e ri për Prokurorinë Publike dhe thotë se OBRM-PDUKM do të pranojë ligjin e propozuar nga Qeveria, sepse departamenti i krimit të organizuar ka treguar se mundet merren me rastet e korrupsionit të lartë.
“Janë e vërtet e pakëndshme ngjarjet që ishim dëshmitarë javën e kaluar. Të mos them si ishin tronditëse, përgjithësisht për gjithçka që prisnim, besuam dhe kërkuam mekanizma efektivë për të luftuar korrupsionin. Por unë mendoj se përgjegjësia personale nuk duhet të ndërlidhet me përgjegjësinë e të gjithë institucionit. Këto ngjarje që ndodhën japin në njërën besim se është institucion i vërtet, e cila më parë nuk funksiononte, ndërsa ajo është njësia për krim të organizuar, tani papritur me të vërtetë ka kapacitetin, vullnetin dhe gatishmërinë e këtyre njerëzve për të dalë dhe për të iniciuar procedura penale kundër personave që në një farë mënyre e përfaqësojnë veten si të mundshëm në një shtet, do të thotë mbrojtja e personave të tjerë që u nënshtruan ose dyshoheshin se ishin mjet i “Haraçit”, gjë që nuk ishte rasti në periudhën e kaluar, në periudhën e qeverisë së mëparshme”, tha Deskoska për “Telma”.
Sipas asaj, kjo jep shpresë se edhe institucionet ekzistuese mund t’u përgjigjet sfidave nëse ekzekutivi nuk ndërhyn dhe nuk i nënshtron ato./Telegrafi/