Organizata për Bashkëpunim dhe Zhvillim Ekonomik (OECD) së fundmi ka publikuar listën e shteteve me kualitetin më të mirë të jetesës në botë.
Për ta bërë këtë, OECD ka studiuar 34 shtete përmes 11 parametrave të mirëqenies, duke e përfshirë balancimin e jetës profesionale dhe personale, pasurinë financiare, sigurinë, edukimin etj. – transmeton Telegrafi.
Sipas kësaj organizate, shtetet me standardin më të mirë të jetesës janë këto:
Norvegjia
Ky shtet ishte renditur i pari edhe vitin e kaluar. Organizata thotë se jetën më të mirë e bëjnë shtetasit e Norvegjisë, ku shumica e popullit janë të punësuar, niveli i edukimit është i lartë dhe jetëgjatësia mesatare është 82 vjet.
Australia
Edhe pse Australia ishte renditur e para në vitin 2013 dhe 2014 (pastaj e katërta në vitin 2015), këtë vit është renditur e dyta.
OECD tregon se vendasit e këtij shteti janë shumë të shoqërueshëm: 95 për qind e australianëve besojnë se e njohin dikë në të cilin/cilën mund të mbështeten, transmeton Telegrafi.
Danimarka
Danimarka është renditur shtatë vende më lart në këtë listë, qysh nga viti i kaluar.
Shteti ka shënuar pikë të larta sa i përket pagesës së lartë gjatë kohës së pushimeve dhe mesatares prej pesë javëve pushim në vit.
Punëtorët me orar të plotë tregojnë se 66 për qind të ditës së tyre ia dedikojnë “kujdesit personal”, e jo punës.
Zvicra
Përqindja e papunësisë në Zvicër është rreth 3.1% – ndër përqindjet më të vogla në botë. /Telegrafi/
