Të paktën 13 persona janë lënduar, kur një veturë shtypi këmbësorët të cilët po kalonin rrugën në vija të bardha në një qytet në juglindje të Kinës.
Kamerat e sigurisë kanë kapur momentin kur vetura me ngjyrë të bardhë Mercedes Benz futet në të kuqen, duke lëvizur me shpejtësi të madhe në drejtim të turmës që po kalonin rrugën në Guangzhoi në provincën kineze Guangdong, transmeton Telegrafi.
Hetimet preliminare tregojnë se shoferja 45-vjeçe po mundohej ta merrte një shishe me ujë në karriget e pasme, kur pa dashje shtypi pedalin dhe goditi këmbësorët.
Megjithatë si pasojë e kësaj goditje shumë këmbësorë u dërguan me urgjencë në spital, ku dy prej tyre janë në gjendje të rëndë. E policia ka identifikuar shoferen si Ding, e cila menjëherë është arrestuar nga policia. /Telegrafi/
