Ky është momenti rrëqethës kur një aeroplan i vogël derisa po ngritej në ajër, me krahun e majtë e godet një person.
Ngjarja e pazakontë ka ndodhur në parkun Turmalina në komunën e Parelhas në pjesë verilindore të Brazilit, transmeton Telegrafi.
Videoja tregon momentin kur fluturakja e vogël që sipas ekspertëve është modeli Aviasud Mistral, derisa po ngritej në ajër godet një person që po tentonte ta filmonte me telefon.
Si rezultat i goditjes, aeroplani duket se kishte pësuar defekt dhe kështu piloti kishte anuluar fluturimin, ndërsa personi që goditet me krahun e majtë të aeroplanit qëndron i shtrirë në tokë.
Burri i paemëruar ishte dërguar me urgjencë në spital për trajtim, ku është konstatuar se ka pësuar thyerje të brinjëve dhe se pas pak ditëve pritet të lirohet. /Telegrafi/
