Dy të rinj në Brazil kishte vendosur t’ia vjedhin motoçikletën një burri, por duket se ata nuk ishin informuar mirë për të dhe kështu në fund e paguan shtrenjtë.
Ata nuk i kishin bërë mirë llogaritë, pasi personin që tentuan t’ia vjedhin motoçikletën doli të jetë një polic në rroba civile, i cili i qëlloi me revole në momentin që ata u shfaqën të dhunshëm, transmeton Telegrafi.
Në videon e publikuar më poshtë të filmuar nga kamerat e sigurisë, shfaqen të rinjtë duke tentuar t’ia vjedhin motoçikletën një burri i cili kur e sheh se po i rrezikohet jeta, nxjerr revolen dhe fillon të shtie në drejtim të tyre.
Fillimisht ata habiten kur e kuptojnë se ai është i armatosur dhe qëndrojnë si të humbur, por në një moment fillojnë të vrapojnë ku njëri prej tyre arrin t’i shpëtojë vdekjes, kurse tjetri mbetet i shtrirë në tokë pasi goditet disa herë me plumba.
Nuk dihet saktë se në cilin qytet brazilian ka ndodhur ngjarja e as fati i hajnit të shtrirë në tokë, ndërsa policia ka njoftuar se kanë filluar hetimet për hajnin e dytë. /Telegrafi/
