Ish-presidenti amerikan Donald Trump po shet Bibla derisa po bëhet gati për garën për rikthimin në Shtëpinë e Bardhë, shkruan AP.
Trump i nominuari i Republikanëve, ka publikuar një video në rrjetin e tij social Truth, ku u bën thirrje mbështetësve të blejnë Biblen “Zoti bekoftë Biblën e SHBA-ve”, që është marrë si model dhe inspirim nga balada patriotike e Lee Greenwood, transmeton Telegrafi.
“Gëzuar java e shenjtë! Ta bëjmë Amerikën e madhe të lutet sërish. Derisa po shkojmë drejt të premtes së Zotit dhe Pashkëve, ju inkurajoj ta kini një kopje të ‘Zoti bekoftë Biblën e SHBA-ve’”, ka shkruar Trump duke theksuar se libri po shitet për 59.99 dollarë.
Përpjekja vjen pasi Trump është përballur me një krizë serioze parash mes faturave ligjore në rritje, ndërsa ai lufton katër padi penale së bashku me një sërë akuzash civile.
Trumpit iu dha një afat të hënën kur një gjykatë apeli në Nju Jork ra dakord të ndalonte mbledhjen e më shumë se 454 milionë dollarëve që i detyrohej pas një vendimi për mashtrim civil, nëse ai dorëzon 175 milionë dollarë brenda 10 ditëve.
Trump tashmë ka dhënë një garanci prej 92 milionë dollarësh në lidhje me rastet e shpifjes të ngritura nga shkrimtarja E. Jean Carroll, e cila e akuzoi Trumpin për sulm seksual. /Telegrafi/
President Donald J. Trump ENDORSES AND PROMOTES “GOD BLESS THE USA BIBLE” TO MAKE AMERICA PRAY AGAIN TO KICK OFF HOLY WEEK LEADING INTO EASTER
Purchase Here: https://t.co/F9cA0pbKWj@realDonaldTrump @GBTUSAStore pic.twitter.com/UA1TyRqf25
— Lee Greenwood (@TheLeeGreenwood) March 26, 2024