Janë dërguar në Gjykatë 48 policët e arrestuar një ditë më parë, e që dyshohen për marrje ryshfeti dhe keqpërdorim të detyrës zyrtare.
Në masa të sigurisë, të arrestuarit paraditen e sotme u dërguan në Gjykatë nga ekipet e Inspektoratit Policor të Kosovës (IPK).
Ndryshe, kryeshefi ekzekutiv i Inspektoratit Policor të Kosovës, Kushtrim Hodaj një ditë më parë ka bërë të ditur se janë arrestuar 48 zyrtarë policor dhe dy zyrtarë doganor.
“Në aksionin e sotëm janë arrestuar 48 zyrtarë policor dhe 2 zyrtar doganor”, ishte shprehur ai për Telegrafin.
Në mesin e zyrtarëve policorë të arrestuar janë edhe dy komandantët e pikave kufitare “Qafë Prush” dhe “Qafë Morinë”, Ramiz Ahmeti dhe Xhavit Lokaj. /Telegrafi/
