Menaxheri i një banke ka raportuar se nga klientë të ndryshëm janë deponuar një sasi e parave të cilat dyshohet të jenë të falsifikuara.
Në raportin 24 orësh të Policisë së Kosovës bëhet e ditur se ngjarja ka ndodhur të martën rreth orës 12:00, në Graçanicë.
“Ankuesi mashkull kosovar, menaxher i një banke ka raportuar se nga klientë të ndryshëm janë deponuar një sasi e parave të cilat dyshohet të jenë të falsifikuara. Monedhat e dyshuara, 2×100 euro, 5×50 euro, 6×20 euro, 561×2 euro dhe 2×1 euro janë konfiskuar”, thuhet në raport.
Po ashtu në raport bëhet e ditur se lidhur me rastin është njoftuar prokurori. Rasti nën hetime. /Telegrafi/