Memphis Depay ka thënë se nuk mund të shijonte golin e tij të parë konkurrues për Barcelonën, pasi ekipi i tij nuk arriti të fitojë.
Barcelona barazoi me rezultat 1-1 në udhëtim te Athletic Bilbao të shtunën mbrëma në ndeshjen e javës së dytë.
Vendasit kaluan në epërsi me anë të Inigo Martinez, por Barcelona barazoi gjithçka me një supergol nga Depay.
Ky ishte një moment ëndrrash për sulmuesin, i cili nënshkroi për Barcelonën në një transferim falas nga Lyon këtë verë.
🚀 𝘽𝙊𝙊𝙈@Memphis's first official goal for Barça was a left-footed blast to tie the game in the 75th pic.twitter.com/N1M9CjjTN1
— FC Barcelona (@FCBarcelona) August 21, 2021
Por pas ndeshjes, Depay zbuloi se nuk arriti ta shijonte supergolin e shënuar.
“Është e mrekullueshme të shënosh një gol, por jam i zhgënjyer me rezultatin”, ka thënë fillimisht Depay pas ndeshjes.
“Janë dy fytyra. Unë me të vërtetë nuk mund të shijoj golin tim premierë sepse nuk mundëm të merrnim tre pikët”.
💥 𝙂𝙊𝘼𝙇 𝙎𝙀𝙌𝙐𝙀𝙉𝘾𝙀:@Memphis 👉🦁👈
First official strike for Barça pic.twitter.com/mtn1sUNAuX— FC Barcelona (@FCBarcelona) August 22, 2021
“Ishte një lojë e vështirë, por padyshim që të shënoj golin tim të parë për klubin do të thotë shumë dhe unë dua të shënoj edhe më shumë”, përfundoi holandezi.
Barcelona tani ka fituar një ndeshje dhe ka barazuar një nga dy ndeshjet e para, dhe do të përballet me Getafen në javën e ardhshme. /Telegrafi/