Deontay Wilder e ka akuzuar Anthony Joshuan se po i shmanget meçit kundër tij.
Dy ish-kampionët e peshave të rënda është menduar se do të përballeshin në një meç më datë 9 mars, në rast se do të fitonin meçet e tyre në eventin “Day of Reckoning”.
Joshua iu përmbajt marrëveshjes dhe e mposhti Otto Wallin, por Wilder pësoi një humbje shokuese ndaj Joseph Parker.
Menjëherë pas humbjes, Wilder apo siç njihet ndryshe ‘Bronze Bomber’ ka paralajmëruar pensionimin nga boksi.
Më vonë përmes një reagimi në rrjetet sociale kishte sqaruar se do të vazhdojë ende, sidoqoftë ai e ka akuzuar Joshuan për “injorimin” që është duke i bërë.
“Ata nuk e duan me të vërtetë këtë luftë. Kur humba, a e keni parë se sa i lumtur ishte ai?”, ka thënë Wilder për 78SPORTSTV.
“Ai ishte sikur, ‘Unë nuk do të luftojë me Wilder’. Thashethemet ishin se ai po fliste për pensionim nësë do të fitoja. 9 mars, lufta mund të vazhdojë ende”, u shpreh Wilder.
Boksieri amerikan u ndal për të folur edhe për humbjen që pësoi ndaj Joseph Parker.
“Jam i zhgënjyer sepse e di që jam një boksier më i mirë. E kam lënduar disa herë, por disa goditje nuk i dhurova. Kam hezituar dhe nuk e di pse. Ai nuk mund të më mposht mua as në ditën e tij më të mirë”, përfundoi Wilder./Telegrafi/