Basketbollistet e Denver Nuggets mposhtën si mysafir ekipin e Minesota Timberwolves me rezultat 117:90 dhe ngushtuan serinë gjysmëfinale në 2-1.
Denver Nuggets u kthyen në jetë, pasi shumë prej tifozëve kanë menduar se do të humbasin 4-0 nga Timberwolves.
Jamal Murray ishte më i miri në parket me 24 pikë, derisa po aq pikë shtoi edhe Nikola Jokic.
Michael Porter Jr shtoi edhe 21 pikë të tjera për t’i dhënë fitoren e shpresës Nuggetsave.
Te vendasit më efikasi ishte Anthony Edwards me 19 pikë, ndërkohë Karl-Anthony Towns shtoi 14 të tjera por që nuk mjaftuan për fitore.
Fitore ka marrë edhe Indiana Pacers që ka mposhtur New York Knicks me rezultat 111:106 dhe ngushtoi serinë në 2:1.
▪️ IND wins Game 3, trails NYK 2-1
▪️ DEN wins Game 3, trails MIN 2-1The #NBAPlayoffs presented by Google Pixel continue Saturday on ABC! pic.twitter.com/zM0deB9Z3J
— NBA (@NBA) May 11, 2024
Tyrese Haliburton shënoi 35 pikë dhe udhëhoqi Indianën drejt një triumfi të rëndësishëm, dhe heroi ishte Andrew Nembhard i cili goditi një trepikësh vendimtar që prishi ndeshjen.
Pascal Siakam shtoi 26 pikë dhe shtatë kërcime, dhe Myles Turner 21 pikë dhe 10 kërcime ishin më të mirët te skuadra fituese.
Ndërkohë te New York Knicks Donte DiVincenzo ishte i shkëlqyer me 35 pikë, ndërsa Jalen Brunson, i cili kishte probleme me një dëmtim, shënoi 26 pikë. /Telegrafi/
