Në Francë janë zhvilluar demonstrata të dhunshme kundër qeveritare, megjithëse autoritetet e sigurisë kanë kërkuar që të mos ketë grumbullime në masë, nga frika e përhapjes së coronavirusit.
Më se 800 demonstrues, iu kundërvunë dhunshëm policisë, derisa kërkonin largimin e presidentit Emmanuel Macron dhe administratës së tij, transmeton Telegrafi.
Gjatë orëve të vona të pasdites, pjesëtarët e Jelekëve të Verdhë ia kanë vënë flakën disa veturave dhe i sulmuan mbrojtësit e rendit, të cilët hodhën gaz lotsjellës. “Kemi arrestuar 20 persona, shkaku i ushtrimit të dhunës dhe mos bindjes nda përsonave zyrtar”, thuhet në raportin e policisë.
Afër Ministrisë Financave, i është vënë zjarri disa motoçikletave të parkuara, ndërsa zona është përfshirë nga re të dendura tymi.
Kjo është fundjava e 70-të, që kur kjo lëvizje demonstron ndaj qeverisë, ndërsa pjesëtarët e saj mbajnë të veshur jelekët e verdhë fluoreshent si simbol dallues për punonjës.
Mirëpo, organizimi i fundit është zhvilluar kur Franca është përfshirë nga pandemia e coronavirusit, ndërsa grumbullimet në masë, përbëjnë rrezik për përhapjen e infeksionit. /Telegrafi/
