Ousmane Dembele ka frikësuar përsëri drejtuesit e Barcelonës në ndeshjen e sotme (e shtunë) kundër Gironas pasi u desh të zëvendësohej për shkak të lëndimit në mes të pjesës së parë.
Francezi vuri re shqetësim në këmbën e majtë pas një sprinti për topin me një mbrojtës të Gironas.
Dembele duhej të ndalonte garën kur vuri re këto shqetësime. Pas disa minutash në fushë, duke testuar veten për të parë nëse mund të vazhdonte, ai kërkoi zëvendësimin.
Në vend të tij hyri Pedri në minutën e 26-të të lojës dhe francezi nuk shkoi në zhveshtore pas zëvendësimit, por qëndroi në bankinë.
Që kur Xavi mbërriti në Barcelonë, lojtari kishte rigjetur formën dhe nuk lëndohej si më parë.
🔄 Substitution:
↑🟢 Pedri
↓🔴 Ousmane Dembélé
#GironaBarça pic.twitter.com/fxFkJplsEK— FC Barcelona (@FCBarcelona) January 28, 2023
Lëndimi i tij i fundit ndodhi në nëntor të 2021, pikërisht kur erdhi trajneri i ri. Por pasi u shërua, ai nuk ka pasur më asnjë fatkeqësi deri këtë të shtunë.
Klubi ende nuk ka bërë asnjë vlerësim për dëmtimin e lojtarit. Gjatë gjithë ditës së sotme pritet që ata të bëjnë një deklaratë në të cilën të shpjegojnë situatën e sulmuesit edhe pse nuk dukej si një dëmtim i rëndë. /Telegrafi/