Ousmane Dembele jo vetën që ka humbur sezonin aktual te Barcelona, por do të mungojë edhe në fillim të sezonit të ardhshëm.
Sulmuesi francez iu nënshtrua ndërhyrjes kirurgjikale në Finlandë dhe sipas njoftimit zyrtar të klubit, do të duhen gjashtë muaj që ai të kthehet në fushë.
Dembele mund të jetë i gatshëm për lojë në fund të gushtit ose në fillim të shtatorit, atëherë kur fillon edicioni i ardhshëm.
⚠️ MEDICAL UPDATE | @Dembouz undergoes successful hamstring surgery; French striker to be out 6 months
— FC Barcelona (@FCBarcelona) February 11, 2020
“Lojtari i ekipit të parë, Ousmane Dembéle, i është nënshtruar me sukses operacionit në qytetin Turku, Finlandë, ku u operua nga Dr. Lasse Lempainen në tendinën e këputur të bicepsit të kofshës së djathtë. Francezi do të qëndrojë jashtë për rreth 6 muaj”.
“Sulmuesi po vijonte fazën e riaftësimit nga dëmtimi në kofshë, kur u detyrua të tërhiqej nga një seancë stërvitore në Ciutat Esportiva javën e kaluar. Testet pasuese konfirmuan një këputje të plotë të tendinës të këmbës së tij të djathtë”, thuhet në njoftimin e klubit.
Ai me shumë gjasa do ta humbasë Kampionatin Evropian në këtë verë.
Dembele prej kalimit te Barcelona ka hasur në probleme të mëdha, si ato të adaptimit, por edhe lëndimet e njëpasnjëshme. /Telegrafi/