Telegrafi

Dele Alli thyen heshtjen pas komenteve të trajnerit të Besiktas se “ai nuk e meritonte të luante”

Shkumbin Pireva

Dele Alli pranoi se ai nuk ka përmbushur pritjet që nga huazimi i tij te Besiktas, por ish-ylli i Tottenham Hotspur beson se tani është kthyer në rrugën e duhur.

Anglezi u rikthye në formë të premten mbrëma duke u zgjedhur ‘Lojtari i Ndeshjes’ në fitoren 3-0 të Besiktas ndaj Alanyaspor, të cilën ai e mbylli me gol.

26-vjeçari kishte luftuar më parë me klubin turk – ku ai është i huazuar këtë sezon nga Everton – dhe u kritikua nga trajneri i ri, Senol Gunes.

Menaxheri, i cili zëvendësoi Valerian Ismaelin si trajner i Besiktas në tetor, e përcaktoi anglezi si një lojtar me performancë të dobët.

“Dele Alli ka pasur një karrierë të mirë. Por ai nuk e meriton të luajë për momentin. Situata aktuale nuk i ka përmbushur pritjet tona si ekip”.

“Ne presim që ai të kontribuojë për ekipin, por mendojmë se ai nuk mund të kontribuojë për momentin. Do ta vlerësojmë atë me të dhe klubin. Jemi përgatitur për ndeshjet me lojtarët këtu”, ka thënë Gunes.

Por, ish-ylli i Spurs u përgjigj me stil të bukur të premten dhe më pas u pyet për komentet pas ndeshjes.

“Jam i lumtur që shënova një gol dhe mora tre pikë. Ne treguam një paraqitje të fortë para tifozëve tanë”, ka thënë fillimisht Alli.

“Mund të mos kem qenë në gjendje të bëj atë që pritej deri më tani, por kjo ndeshje ishte një mundësi”.

“Do të përpiqem të kontribuoj për ekipin sa më shumë që të mundem”, përfundoi anglezi.

Dele Alli tani ka dy gola në 10 paraqitje për Besiktas dhe do të duhet të përmirësojë qëndrueshmërinë e tij nëse dëshiron të kthehet në nivelet që tregoi si lojtar i Tottenham Hotspur nën drejtimin e Mauricio Pochettino. /Telegrafi/