Reperi i njohur shqiptar, Gold AG, ka zgjedhur ditën e 28 nëntorit për të lansuar projektin e ri.
Arian Agushi (emri i vërtetë) sot (e diel) ka publikuar këngën më të re, të cilën e shoqëroi edhe me videoklip.
Projekti mban titullin “Gueril” dhe është dedikim për të birin e tij, përmes të cilit u emërua kënga.
Përmes një klipi të veçantë ku reperi shihet me djalin e tij, ai për herë të parë ka zbuluar fytyrën e Guerilit.
Për tekstin dhe muzikën e këngës “Gueril” është përkujdesur Gold Ag, orkestrimi nga Wirusi ndërsa për videoklipin MProduction.
Kënga më e re e reperit nga Presheva tashmë gjendet në kanalin YouTube, dhe padyshim do të mirëpritet nga fansat e tij. /Telegrafi/
