Deamishel Hoxha ishte një prej katër finalistëve të edicionit të dytë të Big Brother VIP Albania.
Ajo së fundmi në një intervistë për “Wake Up” ka folur më gjerësisht për eksperiencën e saj në shtëpinë e famshme.
Krahas përkrahjes që mori, Deamishel ishte gjithashtu një prej banoreve më të ‘sulmuara’, madje ajo tregoi se prindërit e saj në shumë raste janë kërcënuara derisa ajo ishte brenda BBVA.
“Po, unë kam marrë kërcënime ndoshta më shumë se të gjithë kur kam qenë brenda shtëpisë, në momentin e nominimit. Prindërit e mi kanë marrë kërcënime me jetë, ne të dimë shtëpinë, e dimë ku jeton, do vijmë të të vrasim”, tha Deamishel.
Përveç kësaj, ajo u shpreh kërcënimet për të kanë vazhduar edhe pasi doli nga shtëpia e BBVA.
“Jo vetëm kjo por më rastisi dhe një herë në rrugë që më ndoqën disa njerëz. Nuk ishte kërcënim i mirëfilltë që do të të bëjmë diçka. Më kanë ndjekur në këmbë dhe sikur kishin një muhabet të pasqaruar me mua, ‘hajde një çikë këtu ti’. Ishin meshkuj në të 30-at, ishin 2-3 nuk e di për çfarë do sqaroheshin me mua. Kishin pirë pak, hipa në makinë dhe ika me vrap”, deklaroi Deamishel.
Ndryshe, kujtojmë që Deamishel bashkë me Kristin dhe Efin fituan 10 mijë euro si finalistë, ndërsa çmimin e madh prej 100 mijë eurosh e fitoi Luiz Ejlli. /Telegrafi/
