Telegrafi

De Biasi uron Kosovën për pranimin në UEFA

Trajneri i Kombëtares shqiptare, Gianni de Biasi ka uruar Kosovën për pranimin në UEFA.

Këtë e ka bërë të ditur FFK-ja përmes një komunikate për media.

Më 3 maj Kosova është bërë pjesë e UEFA-s, ndërsa më 13 maj pret anëtarësimin edhe në FIFA.

“Në vazhdën e telegram-urimeve që po i arrijnë FFK-së dhe kryetarit Fadil Vokrri me rastin e pranimit të FFK-së në UEFA sot një urim i veçantë është edhe urimi i përzgjedhësit të Kombëtares së Shqipërisë, Gianni de Biasi, i cili uron kryetarin Vokrri dhe gjithë klubet dhe futbollistët e Kosovës”, thuhet në komunikatë.