Trajneri i Shqipërisë, Gianni De Biasi, ka përsëritur edhe një herë tjetër se përveç rezultatit, ndeshja ndaj Zvicrës mund të cilësohet pozitive.
“Jemi të zhgënjyer për rezultatin në debutim, sepse me gjithë inferioritetin numerik që kërkon ta hedhë sa më shpejt pas shpine ndeshjen në Lens, luajtëm mirë. Krijuam dy raste të pastra për gol, mbi të gjitha në minutat e fundit me Gashin. Humbja na la shije të hidhur, por në fushë skuadra tregoi më tepër aspekte pozitive sesa negative. Përjetuam një atmosferë të zjarrtë dhe shumë tifozë që në mbështetën dhe kjo shtoi peshën dhe tensionin te skuadra. Edhe pse me 10 lojtarë, në pjesën e dytë ekipi luajti mirë, duke provuar të ndërtonte lojë dhe krijoi raste për gol. Kjo ishte përgjigja më e mirë”, është shprehur italiani për Sky Sports.
Pastaj ai është përqendruar te sfida e radhës, përballë Francës, transmeton TCH. Rezultati i ndeshjes me Les Bleus mund të jetë përcaktues për ecurinë e Shqipërisë. Megjithatë, De Biasi ka besim.
“Herë-herë në futboll ndodhin surpriza. Një vit më parë e mposhtëm Francën në Shqipëri. Përballë tyre kemi luajtur gjithmonë mirë, duke barazuar edhe në Rennes në vitin 2014. Këtë herë do të jetë ndryshe, por pa frikë, do të luajmë shanset tona”, ka shtuar ai.