Alphonso Davies prej disa vitesh është një objektiv i Real Madridit për krahun e majtë të mbrojtjes.
Por kur është futur në muajt e fundit të kontratës me Bayernin, Reali ka insistuar edhe më shumë për të nënshkruar me të.
Ka një kthesë të madhe për të ardhmen e Davies, pasi mbrojtësi kanadez është shumë pranë marrëveshjes së re me Bayernin.
Gazetari i Sky Sport, Florian Plettenberg ka raportuar se reprezentuesi kanadez ka avancuar në bisedimet me drejtuesit e kampionëve të shumëfishtë të Gjermanisë.
Davies do të nënshkruante një kontratë të re afatgjatë, megjithatë, marrëveshja nuk është bërë ende dhe bisedimet vendimtare do të zhvillohen para Krishtlindjeve.
Më herët u tha se mbrojtësi i majtë ishte ndër objektivat më të mëdha të Real Madridit për vitin e ardhshëm. Kontrata e tij aktuale me Bayernin skadon në korrik 2025. /Telegrafi/