Data e njëjtë dhe dy skuadrat e njëjta në fushë: Locatelli shënon pas shtatë viteve në të njëjtin stadium, por kësaj radhe si kundërshtar i Milanit

Manuel Locatelli ishte protagonist në derbin e madh italian Milan – Juventus që u zhvilluar në ‘San Siro’.

Mesfushori italian shënoi golin e fitores 1-0 në të njëjtën ditë, në të njëjtin stadium, në të njëjtën ndeshje dhe me të njëjtin rezultat si shtatë vite më parë.

E vetmja gjë që ndryshon është fanella që ka veshur Locatelli, këtë herë kundër Milanit dhe jo si kuqezi.

Lexo po ashtu Allegri: Nuk jemi favorit për titullin, tre skuadra janë para nesh

Më 22 tetor 2016 ai shënoi golin e tij të parë në Serinë A kundër Juventusit dhe si lojtar i Milanit. Tani, në vitin 2023, historia ndryshon: Locatelli shënon golin e fitores kundër Milanit dhe me fanellën e Juventusit.

Të gjitha në të njëjtën datë dhe në të njëjtin stadium, por shtatë vite më vonë.

“Goli i vitit 2016, kundër Juventusit, më erdhi në mendje para ndeshjes. Për mua të luaj këtu është e veçantë. Unë jam rritur këtu, tifozët janë të veçantë. Më pas jeta më çoi të merrja vendime të tjera, unë jam aty ku doja të isha. është e pabesueshme që përfundoi 0-1 me golin tim”, tha vetë Locatelli pas ndeshjes.

Ai shpërtheu në lot pas fishkëllimës së fundit të gjyqtarit, derisa tha se është i emocionuar dhe i lumtur. /Telegrafi/