Dashuria, magjia dhe fuqia e interpretimit – brenda klipit përrallor të Rita Orës dhe Liam Payne (Foto/Video)
Butrint Avdyli
Këngëtarja e njohur shqiptare me famë botërore Rita Ora, ka sjell para pak ditësh bashkëpunimin e saj më të ri me Liam Payne.
“For you” titullohet kënga e tyre e re, një baladë e bukur dashurie, e cila njëherësh është edhe kolona zanore e filmit të ri “Fifty Shades Feed” që lansohet këtë muaj.
Më i veçantë dhe përrallor është klipi i këngës, i cili në vetvete duket si një përrallë e vërtetë.
Telegrafi ju sjell në vazhdim një përmbledhje me sekuencat më të veçanta të klipit “For You”, i cili pa dyshim duket të jetë ndër klipet më të mira të dashurisë…
Gjithçka nis me pamjen e një shatërvani në oborrin e një shtëpie mbretërore, duke servuar për shikuesit pamje të freskëta nga natyra e qetë.
Më pas në klip shfaqet Rita, e veshur me fustan të kuq dhe me dukjen e një ‘kësulkuqeje’, Ora fillon performancën e saj shkallët e oborrit mbretëror.
Vetëm pak minuta më pas, vjen shfaqja e parë e Liam Payne në klip, i cili ndryshe nga interpretimi i Ritës, shfaqet në një ambient të mbyllur, me një pamje më të zhgënjyer dhe i zhytur në mendime.
Klipi vazhdon me një paraqitje glamuroze të Ritës nëpër kopsht, duke vazhduar të rrëmbejë vëmendjen me fustanin e saj të kuq.
Ndërkohë që Rita bën shëtitje, Liam shfaqet ende i vetmuar në dhomë, me pije në dorë, teksa kujton buzët e saj.
Siç e thotë edhe teksti i këngës: “Unë jam i lirë si një zog kur fluturoj në kafazin tënd (kaq i humbur). Unë jam duke u zhytur në thellësi dhe duke ngarë pa frena”, dhe e tillë është edhe performanca e Ritës në klip, e cila nuk ndalon së vrapuari për dashurinë.
E shtrirë mes lulesh është vazhdimi i performancës së këngëtares Ora në klipin “For You”.
Një pamje përrallore e Pallatit ku zhvillohet ngjarja.
Nga dashura e madhe, këngëtarja nis ‘fluturimin’ së bashku me notat muzikore dhe petalet e trëndafilave.
Fluturimi bën bashkë dyshen e njohur, të cilët afrohen pranë njëri-tjetrit, gati për të shijuar puthjen e shumë dëshiruar.
Ndërkohë, performanca e “fluturimit” vazhdon…
Një unazë në gishtin e saj, është e duhura për në minutat e fundit të këtij filmi magjik.
Fishekzjarret janë fundit i këtij klipi “magjik”, përmbyllja e duhur e një dashurie të bashkuar.
“For You”, siç e thotë edhe kënga, është klipi i duhur “Për ty”, për të parë dashurinë dhe magjinë të gërshetuar së bashku në një projekt. /Telegrafi/
