Një lajm i tmerrshëm ka mbërritur sot (e enjte) nga Kenia, ku mbeti e vdekur maratonistja olimpike Rebecca Cheptegei nga Uganda, e cila së fundmi garoi në Lojërat Olimpike “Paris 2024”.
33-vjeçarja Cheptegei u vra nga i dashuri i saj në banesën e tij, duke e lyer me benzinë dhe duke i vënë flakën.
Të dielën, Cheptegei u shtrua në spital dhe u konstatua se kishte djegie të rënda në 80 për qind të trupit, ndërsa mëngjesin e sotëm u njoftua se ajo nuk i mbijetoi plagëve të marra.
“Me dhimbje të thellë njoftojmë se atletja jonë Rebecca Cheptegei, e cila tragjikisht u bë viktimë e dhunës në familje, ndërroi jetë herët në mëngjes. Si federatë, ne dënojmë akte të tilla dhe bëjmë thirrje për drejtësi. Shpirti i saj u preftë në paqe”, njoftoi Komiteti Olimpik i Ugandës.
Very sad news.
Olympic athlete Rebecca Cheptegei has died days after being doused in petrol and set on fire by a former boyfriend, a Ugandan official says. pic.twitter.com/4J3gMekJTU
— BBC Sport (@BBCSport) September 5, 2024
Ndryshe, Cheptegei zuri vendin e 44-të në garën e maratonës në Lojërat Olimpike në Paris, duke arritur rezultatin më të mirë të sezonit të saj prej 2:32.14.
Ajo gjithashtu fitoi medaljen e artë në Kampionatin Botëror të vrapimit në mal dhe në shtigje në vitin 2022 në Chiang Mai të Tajlandës. /Telegrafi/