Daniel Cormier do ta mbrojë titullin e peshave të rënda në UFC ndaj Derrick Lewis më 3 nëntor në Madison Square Garden, New York.
Cormier triumfoi ndaj Stipe Miocic në korrik dhe kështu mori kurorën, që tani do ta mbrojë për herë të parë.
39-vjeçari është pritur të ndeshet me Brock Lesnar, por në fund u vendos për Lewis në UFC 230.
Lewis së fundmi fitoi ndaj Alexander Volkov në UFC 229, në natën kur u përballën Khabib Nurmagomedov dhe Conor McGregor.
Në të kaluarën Ilir Latifi i kishte kërkuar Cormierit përballje, por ky i fundit kishte refuzuar pasi ishte ngritur në kategorinë e peshave të rënda.
Daniel Cormier është një nga emrat më të shquar dhe më të respektuar në UFC.
Cormier është pjesë e MMA që nga viti 2009. /Telegrafi/
