Mr.Ph. Krenar Dobroshi
Farmacist & Magjistër për kozmetikë
Qendra estetike-kozmetike “Estethica”
044/049 344-284, 038/733-407
Këtu po ju paraqesim disa nga ndryshimet në mes të këtyre dy tretmanëve.
Drejtimi/Fenirimi afatgjatë
Kohëzgjatja: Jep rezultate afatgjate deri në një vit, por nënkuptohet që me rritjen e flokëve, afër rrënjës duhet të riaplikohet sepse humb efektin. Shumica kanë nevojë t’i riparojnë rrënjët çdo 6- 8 muaj, që kushton më pak.
Gjendja e flokëve: Zakonisht ngjyrosja nuk preferohet në flokë të dëmtuara apo në të cilat janë aplikuar kimikale afatgjate. Stilisti ju sugjeron se si duhet trajtuar flokët pas tretmanit.
Duke marrë parasysh që në flokë të dëmtuara nuk aplikohet, atëherë është një zgjedhje e sigurt. Nëse aplikohet në flokë të dëmtuara për shkak të procedurës së gjatë, mund të dëmtohen më shumë dhe të mos kenë rezultatin e paraparë.
Çmimi: Varet nga kualiteti i produkteve dhe nga stilistja. Është pak më i kushtueshëm se tretmani me keratinë. Preferohet të bëhet nga profesionalistët dhe mos të eksperimentohet me stilist të papërvojë për çmim më të ulët.
Tretmani me keratinë
Kohëzgjatja: Tretmani zgjatë deri në 4 muaj. Në krahasim me drejtimin afatgjatë, tretmani me keratinë duhet të riaplikohet çdo 3-4 muaj nga rrënja deri në fund, sepse me kohë keratina humb efektin duke u shpërlarë nga flokët.
Gjendja e flokëve: Ngjyrosja mund të aplikohet para dhe pas tretmanit, nuk paraqet ndonjë problem.
Tretmani me keratinë zakonisht preferohet për flokët e dëmtuara të cilat kanë nevojë për riparohen dhe njëkohësisht i mban ato të drejta. Pra, nuk paraqet asnjë problem për çfarëdo lloj flokë.
Mbani mend që substanca ‘Formaldehyde’ nuk duhet të jetë e pranishme në produkte, sepse paraqet rrezik për shëndet.
Çmimi: Në krahasim me drejtimin afatgjatë, është më pak i kushtueshëm, por patjetër që varet nga produktet e përdorura dhe përvoja e stilistit. /Telegrafi/