Dallas Mavericks ka marrë një fitore të madhe në shtëpi përballë liderit të Konferencës së Perëndimit, Los Angeles Clippers.
Skuadra nga Teksasi ka triumfuar me katër pikë diferencë 114:110.
Edhe pse në mungesë të yllit të tyre Luka Doncic, Dallas ka marrë fitoren e 11 këtë edicion.
Ishte Harrison Barnes më efikasi në këtë takim me 30 pikë, nëntë kërcime e një asistim.
.@hbarnes scored 30, @DeAndre played with authority, and @Dennis1SmithJr won it with defense! Relive the W with the @wingstop Fast Break!
➡️: https://t.co/fOZQ1r5fNk pic.twitter.com/9WV6HEgmSn
— Dallas Mavericks (@dallasmavs) December 3, 2018
Me lojë të mirë u dallua edhe J.J Barea me 24 pikë dhe qendra DeAndre Jordan që shtoi 16 pikë e 23 kërcime.
Harrell me 23 pikë , Gallinari dhe Williams shtuan nga 21 të tjera por që nuk mjaftuan që Clippers të marrë fitore.
Fitore ka marrë edhe skuadra tjetër nga Teksasi, San Antonio Spurs që para tifozëve të vet ka mposhtur Portlandin me 13 pikë diferencë, 131:118.
De Rozan shkëlqeu në këtë takim për Spurs me 36 pikë, tetë kërcime e gjashtë asistime.
The squad got back on track with a solid team victory at home! 👏#GoSpursGo https://t.co/iarFrVFnzl
— San Antonio Spurs (@spurs) December 3, 2018
Fantastik në këtë përballje ishte edhe Aldridge që shtoi 29 pikë e tetë kërcime.
Damien Lillard me 37 pikë dhe Cj McCollum me 24 të tjera shkëlqyen tek mysafirët por që nuk mjaftuan për fitore. /Telegrafi/
Rezultatet:
San Antonio Spurs – Portland Trail Blazers 131:118
Dallas Mavericks – LA Clippers 114:110
Philadelphia 76ers – Memphis Grizzlies 103:95
Miami Heat – Utah Jazz 102:100
Charlotte Hornets – New Orleans Pelicans 109:119
LA Lakers – Phoenix Suns 120:96
