Dakota ka ndezur thashethemet për fejesë me të dashurin e saj, Chris Martin, pasi u fotografua në West Hollywood me një unazë smeraldi në gishtin e saj të majtë javën e kaluar.
Derisa vajza 31 vjeçe e Don Johnson dhe Melanie Griffith mbante një pako në duar, guri i çmuar tërheqës nuk kishte si të mos vërehej.
Megjithatë, ajo mezi njihej meqë u shfaq me një palë syze dielli të errëta si dhe një maskë të tillë, në përputhje me protokollet e sigurisë për COVID-19.
Për më tepër, ajo u mbulua me një pallto të zezë me gjatësi deri në fund të këmbëve dhe kishte veshur një palë tuta gri.
Disa herë, ajo u pa duke mbajtur sende të reja të blera në njërën dorë, teksa bisedonte në telefon, duke theksuar sa më shumë unazën.
Gjatë viteve, ajo dhe frontmeni i “Coldplay”, 43 vjeçar, kanë punuar shumë për të mbajtur lidhjen e tyre private që kur filluan romancën në 2018.
Çifti filluan takimet në 2017, por më pas u nda për pak kohë në qershor 2019, vetëm për t’u rikthyer së bashku në gusht të vitit të kaluar.
Martin ka qenë i martuar për disa vite me Gwyneth Paltrow, të cilët u divorcuan në vitin 2016.
Ata janë prindër të dy fëmijëve, vajzës Apple (16 vjeçe) dhe djalit Moses (14 vjeç). /Telegrafi/
