Këngëtarja e njohur Dafina Zeqiri ka shënuar rikthimin e saj në tregun muzikor shqiptar me këngën “Ti e din”, të cilën e solli rreth një muaj më parë.
Kënga u prit shumë mirë nga publiku shqiptar, ndërsa pritet që së shpejti, ajo të prezantojë për fansat edhe projektin e saj të parë për vitin 2018.
Ndërkohë, Dafina vazhdon të jetë shumë e aktive edhe në rrjetet sociale, në të cilat shpesh publikon imazhe të ndryshme nga përditshmëria.
Së fundmi, ajo ka publikuar një fotografi në InstaStory, ku ka vendosur të tregojë për fansat dukjen e saj tërësisht natyrale.
Ajo ka pozuar pa makijazh, me ç’rast ka treguar për ndjekësit se si duket ajo në një ditë të zakonshme.
Dhe në fakt, Dafina duket bukur edhe kur nuk vë fare grim në fytyrë. /Telegrafi/
