Në estradën shqiptare, gjithmonë është një zhvillim interesant kur këngëtarë nga zhanre të ndryshme vendosin të krijojnë diçka së bashku.
Kësaj radhe, lajmi që ka nxitur kuriozitetin e fansave është një fotografi në studio muzikore e ndarë nga një bashkëpunëtor i Dafina Zeqirit dhe Afrim Muqiqit, muzikanti Valon Fetiu.
Dafina Zeqiri, e njohur sivjet për hitet si “Flaka, “Nasty”, “Si Mua” e shumë të tjera, është fotografuar së fundmi krah këngëtarit të njohur të muzikës popullore.
Fotografia në fjalë tregon dyshen e artistëve, të njohur për kontributet e tyre të veçanta në fusha të ndryshme të muzikës, duke qëndruar së bashku në një mjedis studioje.
Ky imazh i papritur ka nxitur menjëherë spekulime në rrjetet sociale nëse Dafina dhe Afrim po përgatisin një bashkëpunim të ri muzikor.
Pavarësisht se nuk ka pasur një konfirmim zyrtar nga artistët ose menaxherët e tyre, fansat kanë filluar të shprehin emocionet dhe pritshmëritë e tyre për atë që mund të jetë një kombinim i jashtëzakonshëm i dy botëve muzikore.
Nëse këto dyshime do të vërtetohen, kjo mund të jetë një nga bashkëpunimet më interesante të vitit në skenën muzikore shqiptare, duke sjellë së bashku dy zëra unikë në një projekt të përbashkët. /Telegrafi/
