Këngëtarja e njohur shqiptare, Dafina Zeqiri, së fundmi publikoi këngën e saj më të re me titull “Zili zili”.
Si në çdo klip tjetër, edhe këtë herë nuk mungoi paraqitja atraktive e këngëtares, e cila është gjithmonë e shumë komentuar për pamjen e jashtme.
Pjesë e klipit “Zili zili” ishte edhe mikja e saj shumë e mirë, Dajana Kalo, e cila është shfaqur në një skenë shumë tërheqëse me këngëtaren.
Dafina ka publikuar së fundmi në rrjetin social Instagram një sërë imazhesh të realizuara në prapaskenat e xhirimeve, ku shfaqej mjaft tërheqëse me një fustan të gjelbër prej materialit saten.
“Ne nuk humbim miq, ne thjeshtë mësojmë cilët janë të vërtetët”, shkroi Dafina Zeqiri në mbishkrimin e këtyre fotografive.
Në anën tjetër, pëlqimet dhe komentet e shumta prej ndjekësve nuk munguan, shumë prej të cilëve i komplimentuan dy bukuroshet për paraqitjen e tyre të përbashkët në klip. /Telegrafi/