Këngëtarja e njohur, Dafina Zeqiri, javë më parë u diskutua shumë për modelin e saj të ri të flokëve.
Ajo vendosi t’i bëjë flokët si Amber Rose, duke i prerë thuajse tërësisht, duke marrë kështu një pamje krejt tjetër nga Dafina e zakonshme.
E duket se kjo pamje do të jetë edhe pjesë e klipit të saj më të ri, që do të jetë një bashkëpnim që do të publikohet sot (e diel) në orën 12:00.
Këtë e ka bërë të ditur vet Dafina, përmes një fotografie të publikuar në rrjetin social Instagram, ku shfaqet mjaft tërheqëse me pamjen e re, teksa në mbishkrimin e saj e quan veten “qel”, (referuar modelit të ri të flokëve).
“Qeli, sot në orën 12:00”, ka shkruar Zeqiri në mbishkrimin e kësaj fotografie, ndërsa ka marrë pëlqime dhe komente të shumta nga fansat.
Përndryshe, Dafina këtë verë është shumë aktive me prurje të reja dhe koncerte të shumta anë e mbanë trevave shqiptare.
Dy këngët e saj më të fundit “La Reina”, dhe “Desole por favor”, janë pëlqyer në masë të madhe nga fansat e saj. /Telegrafi/
