Këngëtarja e njohur shqiptare, Dafina Zeqiri, kohëve të fundit ka qenë një nga emrat më të përfolur në faqet rozë.
Kjo për shkak të ribashkimit me DJ Geek, me të cilin është ndarë muaj më parë dhe se para pak ditësh konfirmuan rikthimin së bashku.
Derisa po shijon lidhjen, ajo vazhdon të jetë shumë aktive edhe me postime të ndryshme në rrjete sociale.
Ajo këtë herë ka prezantuar një ndryshim që ka bërë në pamje, i cili është komplimentuar në masë të madhe edhe nga ndjekësit e saj.
Krijuesja e hitit “Zili zili” shfaqet një kaçurrele tërheqëse teksa merr poza po ashtu të mahnitshme.
“Një qiell plot yje dhe ai po më shikonte mua”, ka shkruar ajo.
Dafina së shpejti pritet të sjell edhe albumin e ri “Dafinë moj”. /Telegrafi/