Këngëtarja e njohur, Dafina Dauti është bërë pjesë e big Brother VIP Kosova dhe bashkë me banorët dhe publikun ka vendosur të ndaj historinë e saj.
Artistja ka bërë rrëfimin tejet prekës dhe emocional në të cilin ka treguar për sfidën për të rritur vajzat e saj si një nënë beqare.
Dafina foli për dy lidhjet e dështuara dhe vajzat e saj të cilat tani janë pranë saj, por që për të ardhur këtu ka kaluar në shumë vështirësi.
“Kur më lindi vajza Elizabeta mu duk që dielli ndriçonte, por që nuk kam mundur të shijojë fëmijërinë e saj, e kuptova që prej lindjes që e kishte një problem, qellzën e kishte të hapur filluam operacionin e saj të parë por pa sukses, kur Elizabeta i bëri nëntë muaj nëna ime vdiq, dhe unë isha aty pranë saj dhe ishte shumë e rëndë për mua, e kisha Elizabeten me problem dhe nuk dija si të vazhdoja jetën, vajza kaloj dy operacione të pasuksesshme, të tretin prapë pa suksese, edhe pse isha e ndarë nga babai i saj që kur ajo ishte gjashtë muajsh ai kujdesej për gjëra financiare, pas një muaji e kishte operacionin e gjashtë, i cili ishte plotësisht me sukses, pas kësaj ne u kthyem në Kosovë tani është shumë mirë, është 14-vjeçare, e kam edhe shoqe dhe gjithçka në botë”, rrëfeu Dafina.
Tutje, këngëtarja ka folur edhe për vajzën e dytë, e cila fillimisht ishte me babanë e saj, por më pas përmes gjyqit ajo u rikthye me të ëmën.
“Pas 10 viteve që nuk doja të kisha një lidhje, por ndodhi dhe erdhi në jetë Kylie, atëherë kur u ktheva pas një muaj e gjysmë ndodhi edhe ndarja me babanë e saj, për katër muaj isha në depresion të thellë, filluam gjyqet për të marrë vajzën dhe momenti më i vështirë në jetë për mua ka qenë kur unë nuk kisha asnjë gjë sepse nuk kisha as të holla, as ku të jetoja, më e vështira ka qenë kur kam shkuar si njeri dhe i kam thënë mbaje për një javë ose dy deri unë të gjej një vendbanim, pas kësaj nuk e di se si dikush mundet të thotë në rregull dhe për tre ditë të shkoj në polici dhe të akuzohem për vepër penale, duke thënë se e kam lënë vajzën, ka qenë e tmerrshme kur shkoja në seanca dhe thoja sot do ta marrë vajzën, kur e mora u zgjoja natën ta shikoja sesi po fle, ishte gëzimi im më i madhi që e kam patur ndonjëherë, jam më e lumtur se kurrë tani”, tregoi Dafina e përlotur.
Pas këtij rrëfimi prekës, Dafina u befasua nga të dy vajzat që erdhën ta takonin në shtëpinë e famshme të BBVK. /Telegrafi/
