Reperi i njohur kosovar, Da Ghost, ka prezantuar për fansat projektin e tij më të ri muzikor.
“Me veti” mban titullin kënga e tij më e re, të cilën ai e ka sjell për fansat në YouTube në version audio, shoqëruar me disa pamje interesante nga postimet e tij në rrjetet sociale.
Reperi, emri i vërtet i të cilit është Faton Zejnullahu, është kujdesur që të shkruajë vet tekstin e këngës.
Për muzikën është kujdesur K-Master në studion PINT.
“Me veti” është kënga e parë e albumit më të ri nga Da Ghost, “NNNQ”.
Da Ghost është një emër shumë i pëlqyer nga publiku shqiptar, ndërsa shquhet si një prej pionerëve të skenës.
Në muajt në vazhdim, ai pritet të prezantojë për fansat edhe shumë nga projektet e tij të reja. /Telegrafi/
