Spanja u shpall kampione e Evropës për herë të katërt në histori. Spanjollët mundën 2:1 Anglinë në finalen e Kampionatit Evropian të luajtur në stadiumin Olimpik të Berlinit.
Nico Williams në minutën e 47-të dhe Mikel Oyarzabal në minutën e 87-të realizuan golat për spanjollët, derisa golin e vetëm për Anglinë e shënoi Cole Palmer në minutën e 73-të.
Gary Neville deklaroi një ditë para finales se nuk mendon se Spanja do ta fitoj Evropianin për shkak të mbrojtësit të majtë Marc Cucurella.
“Unë mendoj se ai është një nga arsyet që Spanja ndoshta nuk do të shkojë deri në fund”, tha Neville.
Por ky konstatim i Neville doli i gabuar, pasi Spanja u shpall kampion bote dhe Cucurella i është përgjigjur atij menjëherë.
🇪🇸 Marc Cucurella replies to Gary Neville: “We went all the way, Gary. Thanks for your support”. pic.twitter.com/RXYw9sMkaf
— Fabrizio Romano (@FabrizioRomano) July 14, 2024
Mbrojtësi i Chelseat ka ironizuar me Neville, duke i thënë faleminderit për mbështetjen.
“Shkuam deri në fund, Gary. Faleminderit për mbështetjen”, ka thënë Cucurella duke ironizuar me deklaratën e ish-mbrojtësit legjendar anglez. /Telegrafi/