Superylli i Juventusit, Cristiano Ronaldo, është shpallur ‘Lojtari i vitit’ në ceremoninë Globe Soccer Awards që u zhvillua në Dubai të enjten mbrëma.
Portugezi ka lënë pas kampionët e botës, Antoine Griezmann dhe Kylian Mbappe, për ta fituar këtë çmim.
🇵🇹 Cristiano Ronaldo is the winner of the ✨Best Player Of The Year✨ Award, presented by HE Mattar Al Tayer, VP of Dubai Sports Council@dubaiholding #dubaiholding @Cristiano #globesoccer @DubaiSC pic.twitter.com/R04Cp39T44
— Globe Soccer Awards (@Globe_Soccer) January 3, 2019
Në ceremoninë e mbajtur në Madinat Jumeirah, 33-vjeçari e fitoi edhe çmimin për ‘Golin më të bukur’, për golin akrobatik që ia shënoi skuadrës aktuale në Ligën e Kampionëve.
https://twitter.com/SMFutboI/status/981267822163656704
Ishte një mbrëmje e mirë edhe fenomenin brazilian, Ronaldo, i cili u nderua me ‘Çmimin e karrierës’, sikurse edhe Blaise Matuidi.
Një tjetër francez që u nderua me çmim ishte përzgjedhësi i Francës, Didier Deschamps, që u shpall ‘Trajneri i vitit’ falë suksesit në Kampionatin Botëror.
HE Mattar Al Tayer, Vice Chairman of DSC, awarding Cristiano Ronaldo winner of the Best Player Award, at the 10th Dubai #GlobeSoccer Awards held in line with the #DubaiISC13 pic.twitter.com/5EG2fCjGF2
— Dubai Sports Council (@DubaiSC) January 3, 2019
Ish-futbollisti kroat, Zvonimir Boban, i cili shërben si zëvendëssekretar gjeneral i FIFA-s, u nderua me ‘Çmim special karrierë’.
Fitues të tjerë në këtë mbrëmje ishin Jorge Mendes (agjenti më i mirë), Fabio Paratici i Juventusit (drejtori sportiv i vitit), Sami Al Jaber (çmimi i karrierës për arabët).
Atletico Madridi është shpallur klubi më i mirë i vitit, derisa Alisson Becker fitoi çmimin për portierin më të mirë. /Telegrafi/
