Reperi i njohur Cozman, ka kohë që nuk ka qenë shumë aktiv në tregun e muzikës.
Duket sikur ai është përkushtuar më shumë në jetën e tij private, në të cilën ka zhvillime të reja.
Muaj më parë ai publikoi një fotografi në InstaStory, ku shfaqej në krahët e një vajze enigmatike, e cila aludohet të jetë e dashura e tij e re.
Telegrafi së fundmi ka kapur reperin në disa fotografi, ku shihet i shoqëruar po nga vajza në fjalë, në një nga marketet e kryeqytetit.
Dyshja janë parë duke hyrë së bashku në dyqan në orët e vona, duke u furnizuar me produkte të ndryshme.
Në fotografitë e sigluara nga Telegrafi, Cozman dhe vajza që e shoqëron duken mjaft të afërt, teksa i kanë të shpeshta daljet e tilla të përbashkëta.
Vite më parë, Cozman ka qenë në një lidhje mjaft afatgjatë me këngëtaren Tuna Sejdi, kur edhe së bashku realizuan disa bashkëpunime, të cilat ishin hitet e asaj kohe.
Që nga ajo periudhë, reperi i cili ndan jetën e tij mes Prishtinës dhe Londrës nuk është parë në shoqërinë e ndonjë femre tjetër deri më sot. /Telegrafi/
