Ministri i Shëndetësisë, Armend Zemaj sot ka takuar kryetarin e Komunës së Pejës, Gazmend Muhaxherin me të cilin ka biseduar për vlerësimin e situatës epidemiologjike në këtë komunë.
Zemaj përmes një statusi në rrjetin social në Facebook ka shkruar se me kryetarin Muhaxheri janë dakorduar që shtabi emergjent të vazhdojë të jetë në gatishmëri, të decentralizohen shërbimet shëndetësore , inspektoratet të jetë aktiv maksimalisht që të ndikohet e të respektohen rregullat anti-COVID-19.
Sot në mesditë me kryetarin e Komunës së Pejës, Gazmend Muhaxherin dhe stafin e tij, bëmë një vlerësim të situatës epidemiologjike si dhe u dakorduam që shtabi emergjent të vazhdojë të jetë në gatishmëri, të decentralizohen shërbimet shëndetësore , inspektoratet të jetë aktiv maksimalisht që të ndikohet e të respektohen rregullat anti-COVID-19”, ka thënë ai.
Tutje ai tha se qendra për Mirëqenien e Gruas me aktivitetet e saj në rajonin e Pejës, është përballur me sukses duke siguruar mjedis të sigurt për gratë, të mbijetuarat e dhunës në familje.
“U njoftova nga menaxhmenti i kësaj organizate joqeveritare për kapacitetet e këshillimit për nevojat shëndetësore, sociale, arsimore, psikologjike, ligjore dhe sociale për gratë dhe fëmijët që kanë përjetuar dhunë në familje për rajonin e Pejës. Puna humane e QMG-së, në aspektin shëndetësor, do ta ketë përkrahjen brenda mandatit të saj, duke u gjendur pranë secilës grua dhe fëmijë që kanë përjetuar dhunë në familje. Stop dhunës në familje”, ka shkruar ndër të tjera ministri Zemaj. /Telegrafi/
