Thibaut Courtois beson se Eden Hazard do të shpërthejë te Real Madridi, pas periudhës së pafat me lëndime.
Futbollisti belg akoma nuk ka luajtur për Los Blancos këtë sezon, pasi kishte pësuar dëmtim muskulor, ndërkohë që po kthehej nga problemi me nyjën.
Ai u transferua me shumë bujë në Santiago Bernabeu në vitin e kaluar nga Chelsea, mirëpo ka dështuar që të ketë ndikim në skuadër.
“Hazard? Nuk kam asnjë dyshim, jam i sigurt se do ta shohim Eden Hazardin më të mirë. Ai është i pari që ka dëshirë ta tregojë veten. E kuptoj shumë mirë dhe shpresoj që shumë shpejt do ta dëshmojë”.
“Jam i sigurt se për një kohë të shkurtë, ai do të shpërthejë dhe do t’i ofrojë shumë kënaqësi skuadrës”, ka thënë portieri për Cadena SER. /Telegrafi/