Arturo Vidal dhe Christian Eriksen janë dy emrat që lidhen me një kalim të mundshëm te Interi gjatë këtij afati kalimtar.
Ndërsa sipas Corriere della Sera, trajneri i Nerazzurrëve, Antonio Conte, e ka bërë prioritet mesfushorin e Barcelonës para atij të Tottenham Hotspur.
Zikaltrit kanë qenë shumë të interesuar për shërbimet e futbollistit danez, mirëpo gazeta italiane bën të ditur se trajneri e konsideron kilianin si opsion më të mirë.
Pos mesfushës, Conte është i interesuar që ta përforcojë edhe fazën e sulmit këtë edicion.
Olivier Giroud (Chelsea) dhe Fernando Llorente (Napoli) janë dy opsionet që do të tentojë t’i transferojë Interi deri në mbyllje të afatit kalimtar të dimrit. /Telegrafi/