Antonio Conte impresionoi në sezonin debutues me Chelsean duke fituar titullin, por pretendon tashmë se i duhen katër vjet të tjerë për të ndërtuar një ekip që mund të rrëmbejë Ligën e Kampionëve.
Londinezët kanë ndryshuar 14 trajnerë në po kaq vjet dhe italiani ndoshta nuk do të ketë shanset e mjaftueshme, megjithatë kërkon më tepër kohë.
Blutë po vuajnë mungesën e lojtarëve në një nga kampionatet më të fortë në botë dhe shumë pak besojnë se do të fitojnë sërish titullin.
Chelsea ka shpenzuar 150 milionë funte për blerjen e Alvaro Morata, Antonio Rudiger, Tiemoue Bakayoko e Willy Caballero. Por, katër lojtarë të ardhur dhe tetë të larguar janë bilanc që nuk përputhet me një ekip kampion.
“Neve na duhet kohë, ndoshta katër vjet për të luftuar për Ligën e Kampioneve dhe për t’u matur me më të mirët në botë”, ka thënë Conte.
Chelsea do të luajë të dielën në stadiumin Wembley në derbin ndaj Tottenham Hotspur. /KP/Telegrafi/