Antonio Conte është gëzuar me fitoren e Interit (2-1) kundër Spezias në Serie A, duke qenë se ishte fitorja e gjashtë radhazi.
Achraf Hakimi dhe Romelu Lukaku shënuan për zikaltrit, derisa Roberto Piccoli e realizoi golin e vetëm për mysafirët.
“Kjo është fitorja e gjashtë radhazi në Serie A dhe e mirëpresim këto lloj vazhdimësie, sepse na mundëson të qëndrojmë në vendet e para në tabelë”.
“E dinim sot (e diel) se do të ishte e komplikuar, meqenëse Spezia është mjaft e organizuar, përpiqej të na mbyllte hapësirat dhe të kundërsulmonte me lojtarët e shpejtë”, ka thënë Conte për Sky Sport Italia.
Me këtë fitore, Interi ruan vendin e dytë në tabelë me një pikë prapa liderit Milan. /Telegrafi/