Antonio Conte ka folur para ndeshje me Manchester Cityn.
Trajneri italian për herë të parë në karrierë do të përballet me Pep Guardiolan.
Conte ka thënë se Guardiola u përshtatur shumë shpejtë në futbollin anglez.
“Asnjëherë nuk jam përballur me Pep. E respektoj shumë sepse pëlqen të studiojë futbollin dhe është gjithmonë në kërkim të zgjidhjeve të reja. Nuk është aspak e lehtë për një trajner t’i transferojë idetë e tij tek lojtarët në një periudhë të shkurtër kohore. Por ai është një trajner fantastik dhe po bën një punë fantastike te City”.
“Ai gjeti një situatë të mirë në skuadër pasi drejtori sportiv dhe të tjerë të stafit kishin punuar me të te Barcelona. Ai gjeti një situatë të përshtatshme për të vënë në jetë idetë e tij në një periudhë të shkurtër”, ka thënë Conte.
Chelsea momentalisht është në vendin e parë më 31 pikë, një më shumë se Liverpool dhe City. /Telegrafi/