Antonio Conte ka thënë se Barcelona nuk do të jetë e lumtur që do të përballet me Interi në Ligën e kampionëve.
Nerazzurët dhe Blaugranasit do të jenë në të njëjtin grup në këtë edicion të garës më të madhe për klube në Evropë.
Skuadra italiane kishte humbur 2-0 në Camp Nou në sezonin e kaluar, derisa në shtëpi kishin mbetur 1-1, e që do të jetë një përballje interesante.
Conte ka thënë se ata do të jenë kundërshtar i vështirë për kampionin e La Liga-së, që shihen si favorit në letër.
“Ne duam t’i bëjmë krenar tifozët tanë, duke luajtur një futboll që do t’i kënaq edhe ata, me at që mund ta identifikojnë vetën”, ka thënë italiani para përballjes me Barcelonën.
“Është e vështirë t’i caktosh objektivat, atëherë do t’i shohim gjatë rrugës. E rëndësishmja është që ne do t’i japim 110 për qind në çdo takim”.
“Barcelona ndoshta nuk do ta pëlqej përballjen me ne, mirëpo që unë them se do të ketë shumë befasi në grupin tonë dhe do të jetë një paraqitje e mirë nga ne”, ka shtuar më tej Conte.
Interi ka bërë disa transferime në këtë verë si ajo e Romelu Lukakut, Alexis Sanchez, Nicolo Barella, Stefano Sensi dhe Diego Godin, e që do t’u japin shpresë që të shkojnë sa më larg në Ligën e Kampionëve. /Telegrafi/