Conor McGregor është fotografuar së fundmi duke lënë vilën e tij në Miami Beach, një ditë pasi ai u lëshua nga arrestimi për dyshimin se theu telefonin e një fansi britanik.
Ylli i UFC-së mbante të veshur një bluzë të bardhë, dhe një palë pantallona të shkurtra të markës ‘Gucci’, shkruan DailyMail, transmeton Telegrafi.
Në fotografitë e kapura nga paparacët, Conor u shfaq thellë në mendime të martën, teksa largohej nga shtëpia e tij për në palestrën e klubit luftarak në Miami.
Ai u arrestua të hënën pasi Ahmed Abdirzak, 22 vjeç, tha se luftëtari i arteve marciale të përziera irlandeze theu telefonin e tij jashtë një klubi nate dhe u largua me mbetjet e shkatërruara, siç tregohet në raportin e policisë.
McGregor, 30 vjeç, u dërgua në një qendër korrektuese me dyshimin për grabitje dhe keqtrajtim kriminal, sipas deklaratës së arrestimit.
Incidenti ndodhi pak pas orës 5:00 të hënën. Ai u lirua më vonë me një obligim financiar prej 12,500 dollarësh.
Kjo ngjarje vjen pasi fansi i tij Abdirzak e cilësoi yllin e UFC-së si një “bandit të rrezikshëm” – duke thënë për DailyMail.com: “Isha i frikësuar për jetën time”. /Telegrafi/
