Cleveland Cavaliers ka vazhduar me fitore në këtë fillim sezoni në elitën e basketbollit amerikan NBA.
Cavs kanë marrë fitoren e nëntë në po aq ndeshje, teksa kanë mposhtur në udhëtim New Orleans Pelicans me nëntë pikë diferencë 122:131.
Donovan Mitchell ishte fantastik me 29 pikë, derisa me lojë të mirë u paraqiten edhe Jarrent Allen me 16 pikë e 14 kërcime si dhe me 16 pikë ndeshjen e mbylli edhe LeVert.
Vendasve nuk i mjaftuan 29 pikët e Zion Williamson për të marrë fitore në këtë ndeshje.
Los Angeles Lakers kanë pësuar humbjen e dytë radhazi dhe të katërtën këtë edicion në NBA.
Lakers janë mposhtur në udhëtim te Memphis Grizzlies me 17 pikë diferencë 131:114.
Ja Morant, Jarrent Jackson dhe Wells ishin më meritorët për triumfin e Grizzlies me nga 20 pikë.
Ndërkohë te Lakers shkëlqeu LeBron James me 39 pikë, por që nuk mjaftuan për ta shmangur humbjen. /Telegrafi/
