Fisnik Halimi, sociologu që u mor me matje dhe sondazhe para zgjedhjeve të 11 qershorit, në emisionin “Komiteti”, ka folur për formimin e qeverisë dhe subjektit që, sipas tij, do të arrijë ta ketë shumicën.
Halimi ka treguar nëse, sipas tij, vendi do të kalojë nëpër një ngërç politik, për shkak të fitores së koalicionit PAN, që i siguroi vetëm 38 deputetë.
Ai ka thënë se mandatimi do të varet edhe nga sjellja e presidentit Thaçi, i cili do të mandatojë kandidatin për kryeministër, i cili në bazë të kushtetutës fillimisht i jep mandatit subjektit politik që ka dalë i pari në zgjedhje.
Halimi ka komentuar gjendjen që e pret vendin nëse nuk arrihet të krijohet së shpejti qeveria, duke treguar nëse mund të ketë mundësi të mbahen zgjedhjet tjera.
