Jamal Musaiala është objektivi kryesor i Manchester Cityt për repartin e mesfushës.
Por për të arritur deri te ylli gjerman nuk do të jetë aspak lehtë shkaku i konkurrencës së madhe dhe çmimin prej 150 milionë euro që kërkon Bayerni.
Gjithsesi kampioni në fuqi i Anglisë ka një alternativë nëse nuk arrihet të transferohet ylli i bavarezëve.
Citizens janë duke e monitoruar situatën e mesfushorit brazilian Lucas Paqueta i cili po shkëlqen me fanellën e West Ham.
Në fakt City e kishte kërkuar brazilianin edhe në verë, por West Ham United e kishte refuzuar ofertën e tyre prej 70 milionë euro.
The Sun ka raportuar se City janë të gatshëm të ofrojnë rreth 80 milionë euro në janar për transferimin e brazilianit në Etihad Stadium.
Edhe pse West Ham e vlerëson shumë yllin e skuadrës dhe pritet të rezistojë, City do të bëj përpjekje për transferimin e tij.
26-vjeçari këtë edicion ka zhvilluar 11 ndeshje ku ka shënuar dy gola dhe ka asistuar në një tjetër. /Telegrafi/