Manchester City ka shprehur interesim për mesfushorin e Juventusit, Adrien Rabiot. Kështu ka bërë të ditur agjenti i lojtarit.
Besohet se lideri i Ligës Premier dëshiron ta transferojë 25-vjeçarin në afatin kalimtar veror.
Megjithatë, përfaqësuesi i francezit ka thënë se vështirë mund të ndodhë largimi i tij nga Zonja e Vjetër, pasi konsiderohet lojtar i rëndësishëm në mesfushën bardhezi.
“Francezi është në listën e objektivave të Manchester Cityt të Pep Guardiolas”, ka thënë agjenti i Rabiotit për gazetën italiane Tuttosport.
Mesfushori i Juves është lidhur me Ligën Premier edhe në verën e kaluar, kur Carlo Ancelotti (që e kishte përfshirë në skuadrën e Paris Saint-Germainit) donte ta transferojë te Evertoni. Megjithatë, marrëveshja nuk u arrit.
Po ashtu, Manchester Unitedi ka qenë klubi tjetër që e ka kërkuar, ndërsa tani shërbimet e tij i do edhe Manchester City. /Telegrafi/